Blog : 叫餐對話 (Meal Call Dialog)

66 posts
1/30/2009 5:43 pm

Last Read:
6/25/2009 3:48 am

叫餐對話 (Meal Call Dialog)

朋友看到我在亞洲交友網站內刊登的一篇題目為 [快餐/常餐/特餐] 的文章, 立即電郵給我一首MP3歌, 曲目名稱同樣是 [快餐/常餐/特餐], 並且說我一定會喜歡聽的。哦, 原來快餐也有歌可唱, 真的不知道。

這個 MP3 檔案長度時間是2分零3秒, 內容不是一般的歌曲, 而是一個叫餐對話 (Meal Call Dialog), 配以背景音樂編輯而成。這段“叫餐對話”內容豐富、幽默抵死、對話十分精彩, 道盡了香港人在茶餐廳叫餐時的種種遭遇。

這個“叫餐對話”的人物有三: 小孩、女人、男侍應。“叫餐對話” 的背景是: 有一個女人帶著自己的小孩走到茶餐廳叫餐, 男侍應連忙上前招待, 他們的叫餐時的答問, 有兩分鐘之久。來自中國大陸與台灣的朋友, 在聽這個“叫餐對話” 時可能會遇到言語上的隔閡, 因為這個MP3檔案完全以香港通行的白話對答; 以下是這個“叫餐對話” 的全部文字內容:

小孩: 「唔該, 我要一個常餐啦!」
女人: 「常餐? 常餐有咩食架?」
侍應: 「同特餐一樣囉。」
女人: 「咁, 特餐喺咩嚟架?」
侍應: 「同快餐咁上下囉。」
女人: 「咁, 快餐又喺咩嚟架?」
侍應: 「唓, 快餐咪唧喺午餐。」 (男侍應聽後, 顯得有點不耐煩)
女人: 「午餐食咩架?」
侍應: 「午餐同晚餐一樣架。」
女人: 「咁, 晚餐又食啲咩呀?」
侍應: 「晚餐, 咪唧喺常餐囉!」
女人: 「咁呀, 我要兩個常餐啦!」
侍應: 「好嘢呀, 我哋今日啲常餐!」 (男侍應連忙落單)
侍應: 「唔好意思, 常餐賣晒噃。」 (男侍應對女人和小孩說)
小孩: 「唔…, 咁改要特餐啦!」 (小孩想了片刻後, 改變選擇)
女人: 「特餐? 特餐有咩食架?」
侍應: 「特餐, 咪唧喺午餐囉!」
女人: 「午餐食咩嘢架?」
侍應: 「都喺晚餐嗰啲嘢囉!」
女人: 「咁, 咩嘢喺晚餐呀?」
侍應: 「同快餐一樣囉!」
女人: 「咁, 快餐食咩架?」
侍應: 「哎, 快餐咪唧喺常餐囉!」
女人: 「咁, 你頭先 (剛才) 又話冇常餐?」
侍應: 「喺呀, 常餐喺賣晒呀! 咁, 你試唔試吓特餐呀?」
女人: 「兩份特餐嘞。」
侍應: 「唔好意思, 特餐賣晒噃。」 (男侍應對女人和小孩說)
小孩: 「唔…, 媽媽, 不如改快餐啦! 」 (小孩對女人說)
女人: 「快餐有咩架?」
侍應: 「快餐唧喺常餐。」
女人: 「咁, 常餐有咩架?」
侍應: 「常餐, 唧喺午餐囉!」
女人: 「哎吔, 咁午餐有咩嘢食呀?」
侍應: 「午餐同晚餐一樣架。」
女人: 「咁, 晚餐呢?」
侍應: 「晚餐咪唧喺特餐囉!」
女人: 「唓, 咁你頭先 (剛才) 又話冇特餐?」
侍應: 「喺呀, 特餐喺賣晒呀! 咁你試語試吓嗰快餐呀? 一樣嘅啫。」
女人: 「咁, 兩份快餐嘞。」
侍應: 「唔好意思, 冇快餐嘞。」 (男侍應對女人和小孩說)
女人: 「離唔離譜啲呀, 咁你哋究竟有啲咩餐呀?」 (女人聽後, 頗為氣憤)
侍應: 「午餐啦, 午餐好嘢呀!」
女人: 「點好嘢法呀?」 (女人聽後, 追問侍應)
侍應: 「同晚餐一樣咁好嘢。」
女人: 「咁, 晚餐點好嘢法呀?」 (女人繼續追問)
侍應: 「同常餐一樣咁好嘢囉!」
女人: 「咁, 常餐點好嘢法呀?」 (女人再繼續追問)
侍應: 「常餐? 常餐一早賣晒啦, 你話好唔好嘢呀?」 (男侍應得意洋洋的說)
女人: 「好嘞, 好嘞, 要兩份午餐啦!」
侍應: 「唔好意思, 午餐賣晒, 試唔試吓我哋嘅晚餐呀? 一樣嘅啫。」
女人: 「日光日白食咩鬼嘢晚餐呀?」 (女人聽後, 極度氣憤)
侍應: 「哎, 嗰名叫晚餐啫, 其實唧喺午餐。」 (男侍應連忙解釋說)
女人: 「好啦, 好啦, 怕咗你嘞, 要兩份晚餐嘞, 快啲手呀!」
侍應: 「想快? 想快, 就要快餐嘞!」 (男侍應聽後音即說)
(女人與小孩為之氣結)